මෙරට 17 වන රජයේ විශ්වවිද්‍යාලය ලෙස වවුනියාව විශ්වවිද්‍යාලය අද(11) සිසු අයිතියට පත් කිරීමට නියමිතයි. යාපනය විශ්වවිද්‍යාලයේ වව්නියාව මණ්ඩපය ලෙස හැඳින්වූ මෙය සංවර්ධනය කර ව්‍යවහාරික විද්‍යා, කළමණාකරණ හා මූල්‍ය යන පීඨ තුනකින් සමන්විත වව්නියාව විශ්වවිද්‍යාලය ලෙස නම් කර තිබෙනවා. ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් මෙම විවෘත කිරීමේ උත්සවය පැවැත්වීමට නියමිතයි.
උඩරට දුම්රිය මාර්ගයේ වටවල දුම්රිය ස්ථානය අසලදී දුම්රියක් පීලි පැනීම හේතුවෙන් උඩරට දුම්රිය මාර්ගයේ දුම්රිය ගමනාගමනයට බාධා පැමිණ තිබෙනවා. දුම්රිය දෙපාර්තමේන්තුව පවසන්නේ මෙලෙස පීලීපැනීමකට ලක්ව ඇත්තේ මහනුවර සිට බදුල්ල බලා ධාවනය වූ භාණ්ඩ ප්‍රවාහන දුම්රියක් බවයි.
ශ්‍රී ලංකාව සහ ඕස්ට්‍රේලියාව අතර පැවැත්වෙන T20 තරඟාවලිය අද(11) සිඩ්නි ක්‍රිකට් ක්‍රීඩාංගනයේදී ආරම්භ වනවා. ශ්‍රී ලංකා වේලාවෙන් පස්වරු 1.30ට ආරම්භ වන තරඟයේ ශ්‍රී ලංකා පිලේ නායකත්වය දසුන් ශානකට හිමිව ඇති අතර ඕස්ට්‍රේලියානු කණ්ඩායමේ නායකත්වය දරන්නේ ඇරන් ෆින්ච් විසින්. මෙම T20 තරඟාවලිය තරඟ පහකින් සමන්විතයි.
මත්ද්‍රව්‍ය ජාවාරම්කරුවෙකු වන කුඩු සලිඳු නැමැත්තාගේ ප්‍රධාන ගෝලයෙකු වන දුලාන් සමීර නොහොත් ‘අබ්බා ‘ ලෙසින් හඳුන්වන පුද්ගලයා පොලිස් විශේෂ කාර්ය බළකාය සමග ඇතිවූ වෙඩි හුවමාරුවක දී මරණයට පත්ව තිබෙනවා. ඊයේ(10) රාත්‍රියේදී මෝදර එගොඩ උයන මහල් නිවාස සංකීර්ණය ආසන්නයේ දී මෙම වෙඩි හුවමාරුව සිදුව තිබුණා. පොලිස් විශේෂ කාර්ය බළකායේ සාමාජිකයෙකු ද එහිදී තුවාල ලබා ඇති බවයි…
